وزیر اعظم عمران سعودی ولی عہد کاخود استقبال کریں گے

وفاقی دارالحکومت میں وزیر اعظم ہاؤس کی تزئین آرائش جاری، معاہدوں کیلیے سعودی سفیر سرگرم۔ فوٹو: فائل

وفاقی دارالحکومت میں وزیر اعظم ہاؤس کی تزئین آرائش جاری، معاہدوں کیلیے سعودی سفیر سرگرم۔ فوٹو: فائل

اسلام آباد: سعودی ولی عہد شہزادہ محمد بن سلمان 17 فروری کو پاکستان کادورہ کریں گےجب کہ ایئر پورٹ پر وزیراعظم عمران خان خود ولی عہدکا استقبال کریں گے۔

ذرائع کے مطابق سعودی ولی عہد شہزادہ محمد بن سلمان17فروری کی سہ پہر پاکستان آئیں گے۔ سعودی ولی عہد شہزادہ دورہ پاکستان کے دوران وزیراعظم ہاؤس میں قیام کریں گے اس ضمن میں وزیراعظم ہاؤس کی تزئین وآرائش کا کام بھی جاری ہے۔

سعودی ولی عہد کے ہمراہ اعلی سطح کے وفود بھی پاکستان آرہے ہیں جو پاکستان میں سرمایہ کاری کریں گے ، پاکستان میں سرمایہ کاری کے حوالے سے سعودی سفیر نواف بن سعید المالکی اہم کردار اداکررہے ہیں، سعودی ولی عہد کی پاکستان آمد پر سیکیورٹی کے بھی سخت انتظامات کیے گئے ہیں۔

ذرائع کا کہنا ہے کہ سعودی ولی عہد کے ہمراہ آنے والے وفود کی سیکیورٹی کے لیے فول پروف سیکیورٹی انتظامات کیے جارہے ہیں جب کہ وزارت داخلہ، وزارت خارجہ تمام سیکیورٹی امور کو دیکھ رہے ہیں۔

 



اس خبر پر اپنی رائے کا اظہار کریں