نگران وزیر اعظم کا کب تک اعلان ہوگا؟ انتظار کی گھڑیاں ختم ہونے کے قریب،بڑا فیصلہ ہوگیا

سکھر(آئی این پی ) قومی اسمبلی میں قائد حزب اختلاف سید خورشید شاہ نے کہا ہے کہ الیکشن پاکستان کے ہوں یا دنیا کے خلائی مخلوق کا کردار تو ہوتا ہی ہے،15 یا 16 مئی تک نگراں وزیراعظم کے لیے نام آجائیں گے ، سیاست میں کوئی آخری دشمن نہیں ہوتا اور نہ کوئی دوست، فاروق ستار اس وقت بوکھلاہٹ کا شکار ہیں، انہیں خود ان کی پارٹی قبول نہیں کررہی ۔ سکھر میں ایک تقریب سے خطاب کرتے ہوئے قائد حزب اختلافخورشید شاہ نے کہا کہ ہمارے پاس لیڈر شپ نہیں اس لیے دنیا باتیں کررہی ہے تاہم جلد

ہمیں بلاول بھٹو کی شکل میں لیڈر شپ مل جائے گی۔ انہوں نے کہا کہ خلائی مخلوق تو ہے یہ تو سائنسدان بھی کہتے ہیں، خلائی مخلوق آسمانوں پر رہتی ہے دکھائی نہیں دیتی جب کہ پاکستان کے الیکشن ہوں یا دنیا کے الیکشن ہوں خلائی مخلوق کا کردار تو ہوتا ہی ہے۔خورشید شاہ نے کہا کہ15 یا 16 مئی تک نگراں وزیراعظم کے لیے نام آجائیں گے جب کہ سیاست میں کوئی آخری دشمن نہیں ہوتا اور نہ کوئی دوست۔ ایم کیو ایم پاکستان کے سربراہ فاروق ستار کے حوالے سے ان کا کہنا تھا کہ فاروق ستار اس وقت بوکھلاہٹ کا شکار ہیں، انہیں خود ان کی پارٹی قبول نہیں کررہی ہے۔



اس خبر پر اپنی رائے کا اظہار کریں